O Foro Social da Mariña debaterá este vindeiro 13 de xullo ás 20 horas en Viveiro sobre os discursos que están a cuestionar “de maneira despectiva e agresiva”, valores impulsados por movementos sociais como o feminismo ou a mellora de persoas vulnerables. Será na Sala Multiusos do Concello de Viveiro.
Debaterase a problemática que atinxe aos dereitos da muller na perspectiva da construción dunha sociedade en igualdade. Tamén se estudará a problemática da inmigración poñendo sobre a mesa cuestións vinculadas coas relacións interculturais e tentando de desenmascarar os discursos racistas e discriminatorios.
Feminismo: Uxía Treitas barrio, graduada en Belas Artes, do Observatorio da Mariña pola Igualdade (OMI).
Inmigración: Josehanna Ledesma, técnica de Accem no proxecto SINRACXEN (programa de sensibilización contra o racismo, a xenofobia e outras formas de intolerancia asociadas).
Moderadora: Lucía Oca González, antropóloga, docente e investigadora na USC.
