Galicia permanece este luns baixo aviso laranxa na costa oeste da comunidade, nunha nova xornada de ceos moi grises que deixou, ás 4,20 horas, o refacho de vento máis alto con 114,8 km/h en Viveiro. Ademais, en zonas de máis de 900 metros de altura, o refacho máximo rexistrada ao mediodía deste luns é de 89,6 en Carballeda de Valdeorras.

Estes valores máximos danse nunha xornada na que se prevén choivas en toda a xeografía galega, pero con temperaturas que son elevadas para a época, por encima dos 20 graos en diversos puntos e próximos en moitos outros.

Así, en zonas por baixo dos 900 metros rexistráronse 21,7º en Ribadeo, 20,9º en Ourense; 20,8º na Coruña e no Valadouro e 20,7º en Viveiro. Por encima desta altitude, tamén houbo temperaturas suaves, como é o caso de Navia de Suarna, con 16,5º e San Xoán de Río, con 14,1º.