IniciosociedadeMondoñedo inscribe un edificio en ruínas dunha entidade bancaria no rexistro de...

Mondoñedo inscribe un edificio en ruínas dunha entidade bancaria no rexistro de solares

O Concello sacará o inmoble a subasta despois de que o propietario fose multado ata dúas veces por non consolidar a fachada do edificio

Publicada o

- Advertisement -

O Concello de Mondoñedo inscribiu un inmoble en ruínas dunha entidade bancaria no rexistro de solares municipal.

Esta inscrición habilita ao goberno local para tramitar a venda forzosa do edificio nos temos establecidos na lexislación do solo de Galicia.

Así, no prazo máximo dun ano sacarao a poxa pública co tipo de licitación que resulte da valoración do inmoble.

En concreto, a finca inscrita é a 25054 do rexistro da propiedade, correspondente ao número 13 da rúa Bispo Sarmiento.

Previamente declararase a ruína do inmoble e ordenarase a execución de obras de consolidación da fachada do edificio. Ante o incumprimento reiterado desta orde, o Concello impuxo dúas multas coercitivas, o 23 de marzo e o 30 de xuño do ano pasado.

Despois de que o titular, unha entidade bancaria, fixera caso omiso das advertencias e sancións, o Concello procedeu á inscrición do edificio no rexistro de solares ao amparo da Lei do Solo.

O Concello sacará o edificio a subasta nun prazo máximo dun ano. Se a poxa fose declarada deserta, poderá adquirir o inmoble con destino ao patrimonio público do solo ou convocarase de novo, no mesmo prazo, con rebaixa do prezo tipo nun 25%.

NOVA NORMATIVA

A alcaldesa, a popular Elena Candia, referiuse á lei de rehabilitación e de rexeneración e renovación urbás de Galicia, recentemente aprobada. “A estratexia pasa por ofrecer axudas aos propietarios”, lembra a rexedora, que non obstante anuncia “contundencia na aplicación da normativa para os propietarios que desoen todas as ordes e requirimentos”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...