A xornalista natural de Rúa Paloma Abad, que traballa na revista de moda e tendencias Vogue, foi recibida o pasado venres pola Raíña Letizia xunto a outros integrantes da publicación, que cumpre 30 anos en España.

A directora, Eugenia de la Torriente, e o presidente do grupo Condé Nast, Javier Pascual del Olmo, encabezaron a representación da revista no Palacio de la Zarzuela. Os dirixentes da publicación subliñaron que a cabeceira é a terceira máis lida da franquicia tralas de China e Estados Unidos, cunha redacción liderada por mulleres.

Formada en Madrid, Abad, ex redactora de moda en El País e xefa de beleza en Harper’s Bazaar, exerce na actualidade o cargo de redactora xefa en Vogue España.