O concello de Viveiro financia a metade dos gastos de transporte de 74 estudantes que se desprazan fóra do municipio.
Dende o inicio deste curso escolar, destinou 5.750 euros a sufragar parte dos gastos dos alumnos e alumnas que solicitaron estas axudas na Oficina Municipal de Información Xuvenil.
As achegas benefician a 25 estudantes que viaxan a Santiago, 15 á Coruña, 2 a Lugo, 16 a Burela, 10 a Xove, 5 a San Cibrao e 1 a Mondoñedo.
TRANSPORTE ESCOLAR
Ademais, o concello ofrece un servizo de transporte escolar gratuíto a Xove, San Cibrao e Burela para as rapazas e rapaces de Viveiro que cursan Formación Profesional ou Bacharelato nalgún centro deses municipios.
A liña é empregada a diario por 31 estudantes e, segundo o concello, desde o inicio do curso escolar tivo un custo de 5.000 euros.
OMIX
A Oficina Municipal de Información Xuvenil viveirense atendeu o ano pasado consultas de 494 mozos e mozas relativas a estudos e formación, bolsas, programas de intercambio, idiomas ou campamentos.
