Lugo é a terceira provincia de España cunha maior taxa de casos de cancro, con 800 por cada 100.000 habitantes no pasado ano.

Así o recolle o Observatorio da Asociación Española contra o Cancro (AECC), cuxo último informe divulgouse o pasado mércores. Zamora é a provincia española con máis casos detectados, 842 por cada 100.000 habitantes, polas 830 diagnoses de Ourense, en segundo lugar.

No 2018 diagnosticáronse en España 270.363 novos casos da enfermidade, 114.392 en mulleres e 155.971 en homes, o que supón unha taxa media por 100.000 habitantes de 579.

FALECEMENTOS

No tocante ás mortes por cancro, Lugo é tamén a terceira provincia española cunha maior incidencia. A cifra de persoas falecidas pola enfermidade ascende a 363 por cada 100.000 habitantes, por detrás unicamente de Zamora, con 369 decesos, e Ourense, con 367 pasamentos.

Nos datos globais a nivel estatal, faleceron pola doenza 110.743 persoas en España, con 43.438 mulleres e 67.315 homes.

Así, tamén neste caso, a provincia supera significativamente o promedio español, de 237 persoas falecidas por cada 100.000 habitantes.