IniciosociedadeAs parellas sás e tóxicas, a debate no inicio do programa Catuxa

As parellas sás e tóxicas, a debate no inicio do programa Catuxa

Alumnado da Eso do IES de Alfoz-Valadouro analizou unha exposición fotográfica na apertura do plan que impulsa a mancomunidade para educar en igualdade

Publicada o

- Advertisement -

O programa Catuxa, que impulsa a Mancomunidade de Municipios da Mariña Lucense e que ten como obxectivo sensibilizar aos adolescentes mariñaos para educar en igualdade e previr a violencia de xénero, botou a andar este martes en Alfoz.

O alumnado de terceiro e cuarto da Eso do IES Alfoz-Valadouro participou na primeira actividade do plan, que organiza o equipo da empresa Retnova Proxectiva Consulting.

A iniciativa que puxo o programa en marcha consistiu nunha dinámica participativa coa que se analizou a exposición ‘A violencia de xénero… Dille non!‘, ubicada nas dependencias municipais.

Esta exposición, promovida pola Secretaría Xeral da Igualdade da Xunta de Galicia, é unha mostra gráfica dirixida á mocidade para que esta recoñeza identifique e rexeite as condutas sexistas nocivas nas súas relacións.

PARTICIPACIÓN

O estudantado revisou a mostra da man dunha experta en igualdade e violencia de xénero, Noelia Rodríguez. A técnica convidou ao alumnado a ollar toda a exposición con calma, coa consigna de que ao rematar cada persoa elixise unha palabra dunha listaxe que lles suxerise algunha lámina da exposición.

Ao entrar na sala de actividades, fóronse poñendo en común láminas e palabras, chegando así a desenmarañar o que implica unha relación de parella sá e unha tóxica, a liberdade e as gaiolas invisibles que atrapan ás mulleres.

Así, segundo expón a empresa, traballáronse os contidos a partir das experiencias coñecidas pola rapazada.

COLABORACIÓN CO CONCELLO

Segundo expón a mancomunidade, un dos elementos identificadores de Catuxa é o seu carácter participativo e de implicación de todas as entidades do territorio, ademais dos centros educativos. De aí que a actividade programada para sexa o resultado dunha estratexia de coordinación co Concello de Alfoz.

O colectivo de municipios mariñao expón que o programa continuará en febreiro, con máis actividades.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...