Iniciativa pol Asturianu esixe a los partidos con representación no Consello de Administración da Radio Televisión del Principado de Asturias (RTPA) –PSOE, PP, Podemos, Foro e IU– que nomeen a un director “que aposte por políticas de programación que contribúan a normalizar o asturiano e o galego-asturiano“.
A asociación posiciónase logo de que o director xeral da RTPA, Pedro Virgili, anunciase a súa marcha o vindeiro 4 de marzo.
Iniciativa pol Asturiano lembra que os medios de comunicación teñen un papel “de normalización da lingua” e que “actualmente, a maioría dos membros do Consello de Administración pertencen a partidos que levan a oficialidade no seu programa“.
O 1% DA PROGRAMACIÓN
A agrupación lamenta que o porcentaxe actual de emisión en asturiano na televisión é do “1%” da programación“. A Xunta pola Defensa da Llingua pediu tamén impulso para este idioma nos medios de comunicación públicos do Principado. A finais do pasado mes de xaneiro, emitiu un comunicado no que lamentou que só se lle adicasen “dez minutos de luns a venres” na radio asturiana.
ORZAMENTO “IRRISORIO”
No mesmo texto, o colectivo explicou a Consellería de Educación e Cultura dispuxo un orzamento extra de 70.000 euros para a promoción do asturiano na RTPA.
Trátase, segundo a agrupación, dunha cantidade “irrisoria e insuficiente” dentro dun presuposto global de 23 millóns. A asociación censourou a actitude de Virgili e instou ao Principado “a cumprir a lei”.
