O Concello de Burela promoverá unha degustación de bonito na vixésima edición da feira Xantar, que se celebra en Ourense do 6 ao 10 de febreiro.

O goberno local fletará un autobús para que as persoas que desexen poidan asistir á degustación do túnido, que se poderá probar en varias especialidades o venres, a partir das 13.00 horas.

O concelleiro de turismo, Ramiro Fernández Rey, explicou que “este ano decidimos dar un salto na nosa habitual presenza no salón do turismo gastronómico: ampliamos o stand e imos ter un día adicado a Burela”.

AÍNDA QUEDAN PRAZAS

O edil asegurou que “temos xa practicamente a metade do autobús ocupado de asistentes, co cal queda a outra metade para a xente que queira ir ata que completemos prazas. Teremos tamén unha invitación para entrar á feira e poderán estar alí acompañándonos ao alcalde e a min para facer promoción de Burela”, concluíu.