IniciosociedadeA plataforma avisa de que se supenderon consultas por falta de hematólogos,...

A plataforma avisa de que se supenderon consultas por falta de hematólogos, o que o Sergas nega

O colectivo critica que o Hospital da Mariña "quedou cun especialista para 70.000 habitantes", o que considera "un agravio" á bisbarra

Publicada o

- Advertisement -

A Plataforma na Defensa da Sanidade Pública da Mariña e mailo Servizo Galego de Saúde (Sergas) polemizaron este xoves pola atención en hematoloxía no Hospital da Costa. O colectivo alerta da suspensión de consultas por falta de persoal, o que o Sergas nega.

A agrupación explica que o centro hospitalario -que atende a unha poboación superior aos 70.000 habitantes– quedou cun só especialista “dos tres que hai actualmente, dado que un deles colleu un permiso e a terceira hematóloga foi derivada ao Hospital Universitario Lucus Augusti (HULA), como está a suceder cada xoves”.

O colectivo asegura que soubo desta situación “a través de pacientes aos que se lles suspendeu a consulta”, e acusa á Consellería de Sanidade de “someter a un agravio a esta comarca, pois están a derivar outra facultativa cara o HULA, que dispón de dez hematólogos no cadro de persoal. Estamos abandoados”, expón Víctor Vila, voceiro da plataforma.

A denuncia prodúcese un día despois de que CIG-Saúde acusase á Xerencia de Lugo de dispensar un trato discriminatorio á Mariña Lucense, logo de contratar “seis fisioterapeutas para o HULA” mentres o servizo de fisioterapia está “en absoluto deterioro na bisbarra” tralo cese do concerto cunha clínica privada.

LOGOPEDIA

Neste senso, a plataforma sostén a fin do convenio non só prexudicou a atención no tocante á fisioterapia, senón tamén á logopedia, pois o centro privado prestaba tamén este servizo.

Segundo o colectivo, pais e nais alertaron “dun abandono total ao quedar as súas crianzas sen logopeda sen que o Sergas lles dera unha explicación”.

A Plataforma na Defensa da Sanidade Pública da Mariña acusa ao Sergas de “desmantelar os servizos sanitarios na comarca” e esixe aos dirixentes do Partido Popular Daniel Vega e José Manuel Balseiro “que saian da coelleira e dean a cara” ante esta situación.

RESPOSTA DO SERGAS

Pola súa banda, o Sergas emitiu un comunicado de resposta no que afirma que “non se suspendeu ningunha consulta do servizo de hematoloxía do Hospital Público da Mariña”.

Segundo argumenta o Sergas no texto, o hospital “conta con dous hematólogos no seu cadro de persoal e, dende hai uns meses, a Estrutura Organizativa de Xestión Integrada (EOXI) de Lugo contratou un terceiro especialista, de reforzo, que acude catro días á semana ao centro hospitalario. Polo tanto, as consultas e están programadas sempre para eses días”, indica.

Trala solicitude dun permiso programado por un dos especialistas, “programouse toda a actividade da axenda, sen que se suspendese ningunha consulta”. O comunicado conclúe que “unha vez máis estase a empregar a sanidade pública para xerar malestar e confusións”.

PARÁLISE CEREBRAL E TDAH

Na tarde do venres, o Bloque Nacionalista Galego (BNG) alertou de que a Xunta de Galicia eliminou os convenios coas clínicas que tratan ás persoas con parálise cerebral e Trastorno por Déficit de Atención e Hiperactividade (TDAH).

A situación, explican os nacionalistas, afecta a toda a área sanitaria de Lugo, Cervo e Monforte de Lemos. Podes ler a nova completa no Lugo Xornal.

ÚLTIMAS

Colapsa unha parede do cemiterio de Barreiros deixando féretros e algunha caveira á vista

Veciños do municipio de Barreiros avisaron este venres do derrube dunha parede do cemiterio...

Sete persoas intoxicadas por monóxido de carbono nunha vivenda en Foz

Un total de sete persoas, das cales dúas son menores de idade, necesitaron asistencia...

O servizo de recollida de residuos orgánicos comezará en Viveiro o día 18 de decembro

O Concello de Viveiro informa á cidadanía de que o vindeiro día 18 de...

O Concello de Ribadeo sinala que non subirá as taxas da auga e do lixo

Ribadeo non subirá o recibo da auga e do lixo. Así o asegura Marta...