A Consellería do Medio Rural informou de que o lume forestal rexistrado na parroquia de San Román de Vale, no concello do Vicedo, está controlado.
O incendio orixionouse ás 13.09 horas do domingo e quedou extinguido ás 20.45 horas. Segundo as estimacións da Xunta de Galicia, afecta a unha superficie dunhas 25 hectáreas de monte arborado.
Segundo expón o Goberno galego, esta medición é provisional ata que, unha vez rematado o lume, se parametrice a superficie final afectada.
OPERATIVO
Na extinción deste incendio están a traballar un técnico, un axente, sete brigadas, cinco motobombas e un helicóptero.
Zona do #IFSanRománOVicedo coordinado e dirixido por #AxentesAmbientais #AAMM #AAFF ,@elprogreso_Lugo ,@vozlugo pic.twitter.com/IQg3Y5Z6IF
— Aprafoga (@APRAFOGA) March 3, 2019
TELÉFONO DE BALDE
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.
Ademais, toda a información actualizada sobre incendios forestais poderá ser consultada na conta aberta de Twitter @incendios085.
OUTRO INCENDIO EN CASTROPOL
Castropol foi unha das máis de vinte localidades asturianas que padeceron algún lume, contabilizándose máis de 60, o que obrigou a actuar á Unidade Militar de Emerxencias (UME).
