IniciosociedadeA Xunta adxudica catro vivendas de promoción pública en Burela e Viveiro

A Xunta adxudica catro vivendas de promoción pública en Burela e Viveiro

Tamén entrega as chaves doutro piso en Cervo, todos eles en rexime de alugueiro

Publicada o

- Advertisement -

A Xunta de Galicia entregou este xoves unha vivenda de promoción pública no concello de Cervo e realizou os sorteos polos cales se asignan entre os adxudicatarios dous pisos en Viveiro e outros tantos en Burela.

En Viveiro adxudicáronse dúas vivendas emprazadas na rúa Rosalía de Castro do casco histórico. Unha delas ten 57 metros cadrados de superficie e dous dormitorios e a outra 37 metros cadrados e un dormitorio.

No caso de Burela, os inmobles adxudicados localízanse nas rúas Valle Inclán e Luís Seoane. Ambos teñen tres dormitorios e 83 metros cadrados.

No tocante ao piso de Cervo, entregáronse as chaves dun domicilio situado na rúa Vía Láctea, cunha superficie de 85 metros cadrados e tres dormitorios.

O delegado territorial do Goberno galego en Lugo, José Manuel Balseiro, participou nos actos e explicou que en todos os casos se trata de adxudicacións en rexime de alugueiro.

INSCRICIÓNS

Balseiro lembrou que o Instituto Galego de Vivenda e Solo (IGVS) ten aberto durante todo o ano o prazo para inscribirse no rexistro único de demandantes da comunidade autónoma, a partir do cal se realizan os sorteos polos que se elaboran as listaxes de adxudicatarios de pisos de promoción pública nos distintos municipios.

Todas aquelas persoas interesadas en formalizar a súa inscrición no rexistro poden facelo presencialmente ou ben a través da sede electrónica da Xunta. A vixencia da inscrición é de tres anos.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...