IniciosociedadePiden precaución este xoves na Mariña por ondas de ata seis metros

Piden precaución este xoves na Mariña por ondas de ata seis metros

A Xunta activará a alerta laranxa por un temporal costeiro que se notará a partir das últimas horas da tarde na bisbarra

Publicada o

- Advertisement -

EFE. A Dirección Xeral de Emerxencias e Interior da Vicepresidencia da Xunta de Galicia activou para esta próxima madrugada unha alerta laranxa por temporal costeiro que afectará ao longo do xoves á Mariña Lucense, como a todo o litoral de Galicia.

Segundo informa a Axencia Estatal de Meteoroloxía (Aemet), trátase dun fenómeno meteorolóxico de nivel laranxa que afectará a todo o litoral galego, con ondas do oeste e o noroeste de cinco a seis metros.

Prevese que comece arredor do mediodía do 25 nas provincias da Coruña e Pontevedra e que se extenda a última hora da tarde ao litoral da provincia de Lugo.

Por este motivo, e a fin de garantir a seguridade dos bens e das persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou da situación ás administracións provinciais e locais.

RECOMENDACIÓNS

As autoridades recomendan evitar aproximarse a diques ou rompentes co obxecto de previr un eventual golpe de mar que poida arrastrar persoas ou cousas, ou vixiar posibles caídas de obxectos desde balcóns e fiestras. Ademais, ficar lonxe da costa, praias, paseos marítimos, espigóns portos e zonas que poidan ser barridas polo mar.

Tamén se aconsella a suspensión das actividades pesqueiras e marisqueiras, como medida preventiva nas zonas máis perigosas, así como que se extremen as medidas de seguridade á hora de realizar calquera actividade no mar, e que se revisen os cabos e amarres das embarcacións.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...