IniciosociedadeO colexio número 1 de Foz remodelarase con 915.000 euros "durante o...

O colexio número 1 de Foz remodelarase con 915.000 euros “durante o verán”

A Xunta de Galicia acometerá obras de reforma e illamento do centro educativo e habilitará un ascensor

Publicada o

- Advertisement -

A Xunta de Galicia prevé executar “durante o verán”  obras de remodelación e mellora da eficiencia enerxética no colexio número 1 de Foz.

O goberno galego, que comprometeu a licitación para “primeiros de maio”, avanzou os prazos para a realización dos traballos, nos que investirá preto de 915.000 euros.

ILLAMENTO E ACCESIBILIDADE

O proxecto contempla a renovación das fiestras, mediante a colocación de vidro illante con dobre acristalamento e cámara de aire intermedia, e das caixas de persianas ou a mellora das portas interiores e exteriores. Tamén prevé o illamento de fachada e a substitución da cuberta no edificio novo.

Ademais, instalaranse equipos LED, con regulación lumínica e detectores de presenza nas zonas comúns e a repararanse e pintaranse os paramentos interiores

Doutro lado, realizaranse traballos para mellorar a accesibilidade do centro. Así, proxectarase un novo ascensor e un sistema de ramplas entre os edificios que permitirá eliminar as barreiras arquitectónicas existentes.

NOVO PATIO CUBERTO

As obras tamén inclúen a construción dun soportal que habilitará un novo espazo de xogo cuberto. No interior, reformaranse os aseos e intercambiarase a localización entre o comedor e a cociña.

REUNIÓN COA COMUNIDADE EDUCATIVA

O alcalde, Javier Castiñeira, e o delegado territorial da Xunta de Galicia en Lugo, José Manuel Balseiro, explicaron este venres os detalles do proxecto aos representantes da dirección do centro e da asociación de nais e pais.

O rexedor comprometeuse “a axilizar ao máximo os trámites que dependen do concello” para executar as obras no prazo anunciado.

As actuacións, aprobadas no Consello da Xunta deste xoves, contan xa coa licenza municipal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...