O helicóptero Pesca 2 de Celeiro realizou un simulacro de rescate co mercante Arklow Dawn. O Servizo de Gardacostas de Galicia mostrou as espectaculares imaxes nun vídeo que pendurou nas súas redes sociais.
Este tipo de adestramentos teñen a finalidade de preparar o servizo para unha posible misión nun buque das características do Arklow Dawn, de bandeira irlandesa e con 132 metros de eslora e 16 de manga.
Co base no heliporto Costa Norte -construído a finais dos anos 80 nas inmediacións do porto de Celeiro e que conta na actualidade con 4.000 metros cadrados de superficie-, o Pesca 2 é un dos helicópteros do servizo de Gardacostas de Galicia, dependente da Xunta de Galicia.
PREMIO POLARIS
No ano 2017, a tripulación do Pesca 2 de Celeiro recibiu o prestixioso premio Polaris, recibido en Montreal, pola súa participación en rescates de alto risco.
