A Dirección Xeral de Emerxencias e Interior da Xunta activará a partir do mediodía deste mércores unha alerta laranxa por temporal costeiro que afectará os litorais da Coruña e Lugo.

Na Mariña, agárdase vento do oeste ou suroeste de forza 8 arredor de Bares e mar adentro. As ondas poderían alcanzar os cinco ou seis metros.

O 112 Galicia informou da situación adversa a  concellos afectados, deputacións, servizos provinciais e agrupacións de voluntarios de Protección Civil a fin de que adopten as medidas oportunas para garantir a seguridade dos bens e das persoas.

RECOMENDACIÓNS

A Xunta aconsella permanecer lonxe da costa, praias, rompentes, paseos marítimos, espigóns, peiraos ou todas aquelas zonas que poidan ser varridas polo mar

Ademais, recomenda a suspensión das actividades pesqueiras e marisqueiras como medida preventiva nas zonas máis perigosas.

Pode ler a noticia completa en Galicia Confidencial.