A Feria de Muestras de Vegadeo cumprirá a súa 56 edición do 6 ao 9 de xuño, co lema de ‘Una vida entre ríos‘.

Un total de 130 expositores, dos cales 20 son novos ou non participaron nos últimos cinco anos, ofrecerán os seus produtos no encontro.

A concellería de festas realizou un vídeo en colaboración cos usuarios do centro de día, o alumnado do Colexio Público de Jovellanos e a artista local Lula Somoza.

Os maiores contan nel a súa experiencia coa auga, á hora de lavar a roupa, de ila buscar ou tamén entoan cancións relacionadas con este elemento fundamental nas nosas vidas.

PROGRAMA

Neste tríptico en pdf podes consultar o programa do evento, que comezará coa inauguración, o xoves ás 15.00 horas. Inclúe talleres, exposicións conferencias, espectáculos ecuestres e concursos de gando ou verbenas. triptico_feria_2019