IniciosociedadeA Xunta reduciu de 19 a oito os socorristas para Barreiros

A Xunta reduciu de 19 a oito os socorristas para Barreiros

Burela perde dous socorristas e augura dificultades para cubrir a demanda mentras o alcalde de Ribadeo carga sobre o goberno galego a responsabilidade "se pasa algo este verán"

Publicada o

- Advertisement -

Arrecian as críticas contra a Xunta de Galicia pola redución das axudas ao servizo de socorrismo para as praias da Mariña Lucense.

O goberno galego incentivará a contratación de oito profesionais para os areais de Barreiros, fronte aos dezanove do ano pasado. O alcalde en funcións, Alfonso Fuente Parga, confirmou que este mércores solicitara ao goberno galego a subvención ofrecida, que considera insuficiente.

“Barreiros é un concello eminentemente turístico no que fan falta entre 20 e 21 socorristas”, mantivo o rexedor, que podería ceder a alcaldía ao BNG o vindeiro sábado. O popular asegurou que “lle mostrara o seu malestar a Xunta de Galicia” pero delegou no “próximo executivo de Barreiros” a convocatoria da oferta de emprego para cubrir as outras doce prazas que estima “necesarias” con fondos propios.

Na mañá deste xoves, a candidata nacionalista á alcaldía, Ana Ermida, puxo en dúbida que a solicitude se formalizase en tempo e forma o que, dixo, “sitúa o servizo de socorrismo nun punto moi complicado”

DE DEZ A OITO SOCORRISTAS EN BURELA

O alcalde de Burela, o socialista Alfredo Llano, sumouse este xoves  ás críticas á redución de axudas por parte do goberno galego.

O rexedor adiantou que o concello contratará dez socorristas para atender os areais do municipio -entre eles, A Marosa e Ril, con bandeira azul- durante dous meses, desde o 1 de xullo ata o 31 de agosto. Oito financiaranse con achegas autonómico, dous menos que o ano paso, e os dous con fondos da Deputación de Lugo. “Como sabemos que a Xunta non nos dá os socorristas que necesitamos, acudimos ao Plan Único para contratar dous máis”, expuxo o rexedor.

Llano criticou a merma das achegas por parte do goberno “en número e en tempo” e augurou dificultaldes para cubrir a demanda. “Os rapaces estaban contentos cos contratos de tres meses pero, agora, ao ser dous procuran outros traballos de máis rendibilidade, máis estabilidade e máis cartos”.

“Non se pode dicir por un lado que se quere o turismo e por outro limitar os medios para que os turistas poidan vir e ter garantida a seguridade nas praias”, criticou o socialista.

“SE PASA ALGO,  A RESPONSABILIDADE SERÁ DA XUNTA”

O alcalde de Ribadeo, Fernando Suárez Barcia, que xa este mércores calificaba de “miseria” os oito socorristas que financia a Xunta fronte aos dezaoito precisos, subiu o ton das críticas. “Como pase algo neste verán, non será culpa dos concellos. A responsabilidade sobre a protección das vidas será da Xunta e dos miopes que defenden ese xeito de proceder”.

O rexedor culpou ao goberno galego das dificultades dos municipios para contratar profesionais. O nacionalista considera “excesivas” as esixencias que se estableceron nos últimos anos para acceder á titulación.

“Mentres isto ocorre en Galicia vexo como os nosos veciños asturianos non teñen este problema, garantindo un servizo adecuado en canto a número e calidade do seu persoal”, comparou.

RESPOSTA DA XUNTA

Súarez Barcia formulou as críticas nunha carta enviada á Xunta de Galicia o pasado 12 de xuño. A delegación territorial respondeu demanda este xoves con outra misiva, facililitada aos medios, na que insta ao concello ribadense a solicitar os cursos de socorrismo para persoas desempregadas que financia a Consellería de Economía e Facenda.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...