Burela, a opción costeira máis barata de España para alquilar piso en verán

A sociedade de taxación TecniTasa indica que na localidade burelá atopanse inmobles de 60 metros cadrados por 210 euros á semana

Vista de Burela desde o Monte Castelo. AXM

EFE. Burela é un dos lugares costeiros de España onde é máis barato alquilar un piso no verán, con alquileres por 210 euros a semana en inmobles de 60 metros cadrados.

O prezo medio do alquiler semanal de inmobles na costa española incrementouse no 2019 un 0,6% respecto ao ano anterior, o que supón cinco euros máis de media, segundo o informe realizado pola sociedade de taxación TecniTasa.

O presidente de TecniTasa, José María Basañez, sinalou que a oferta de propostas mantense con respecto ao ano anterior, pero nesta ocasión “o esforzo económico que debemos realizar non se incrementa” como en exercicios anteriores.

GALICIA

O estudo sinala que, na costa norte da península, os prezos varían dentro das comunidades autónomas, desde Galicia, onde hai alquileres en Burela por 210 euros a semana ata os 1.800 euros por un aloxamento de 90 metros cadrados na Illa da Toxa, en Pontevedra.

BALEARES

Na zona balear o rango de prezo dos alquileres vacacionais varía en función da illa escollida, sendo Menorca onde se atopa o alquiler semanal máis barato (775 euros por un apartamento de 65 metros en Port Addaia) e Ibiza onde se encontra o máis caro (1.800 por un aloxamento de 100 metros cadrados no porto).

CATALUÑA

Na costa catalana, os alquileres varían desde os 1.400 euros semanais de Sitges, na provincia de Barcelona, por un piso de 80 metros cadrados en primeira liña de praia, ata os 750 euros en Calafell, Tarragona.

ANDALUCÍA

Pola súa banda, na costa andaluza, Puerto Banús (Marbella) concentra os prezos máis elevados con aloxamentos por 2.600 euros semanais por 85 metros cadrados e El Zapillo (Almería) os prezos máis baixos con alquileres semanais de 425 euros por 80 metros cadrados.

RESPOSTAR

Please enter your comment!
Please enter your name here