IniciosociedadeA CIG denuncia que o Hospital da Mariña estará dous meses sen...

A CIG denuncia que o Hospital da Mariña estará dous meses sen traballadora social

O Sergas alega que "as incidencias que xurdan serán atendidas por profesionais de estruturas do servizo público de saúde"

Publicada o

- Advertisement -

CIG Saúde A Mariña denunciou este luns que o Hospital da Mariña estará sen a única traballadora social coa que conta “durante os meses de xullo e agosto”. O sindicato critica que o Servizo Galego de Saúde (Sergas) non cubra a súa ausencia “a pesar de existir persoas dispoñibles nas listas de contratación autonómica”.

A central nacionalista advirte que estas profesionais cumpren un “papel esencial e imprescindible no ámbito sanitario” xa que, argumentan, “dan reposta a toda a problemática dos colectivos de maior vunerabilidade”.

Así, explican, as traballadoras sociais encárganse de “persoas en situación de abondono nos hospitais” ou “en situación de desprotección con grave risco para a súa integridade”.

MÁIS PROFESIONAIS

A CIG lembra que se trata de casos “de emerxencia social cun crecemento expoñencial nos últimos anos” polo que entende que, máis aló de cubrir a vacante, se debería dotar o Hospital, como mínimo, dunha segunda profesional.

Neste senso, o sindicato esixe outras “unha revisión de ratios na atención hospitalaria” e a dotación de profesionais desta área nos centros de saúde mental, de orientación familiar e atención temperá, así como nos centros de saúde.

O SERGAS ALEGA QUE “SE ATENDERÁN AS INCIDENCIAS”

En relación co exposto pola central galega, o Sergas explica que “o servizo non quedará desatendido”. Alega que “incidencias que xurdan no ámbito do traballo social serán abordadas por profesionais de estruturas do sistema sanitario público”.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...