EFE. Os densos bancos de néboa que dificultan a visibilidade e condicionan a seguridade dos usuarios obrigaron á Dirección Xeral de Tráfico (DXT) a manter pechada a Autovía do Cantábrico (A-8) entre os municipios lucenses de Mondoñedo e Abadín, no Alto do Fiouco.

Segundo informa a Dirección Xeral de Tráfico, a autovía permanece cortada en ambos sentidos da circulación desde o pasado martes ás 13.51 horas, concretamente no treito comprendido entre os quilómetros 536 e 552.

DESVÍO POLA N-634

Desde esa hora, a Garda Civil habilitou os habituais desvíos alternativos a través da estrada Nacional 634 ao seu paso por Mondoñedo.

Ás 11.38 horas, momento de peche desta información, o tramo da autovía seguía pechado, a piques de cumprir un día enteiro cerrado.