Con motivo da celebración do Día Internacional da Muller Afrodescente, o vindeiro venres, o Concello de Burela organiza unha charla café para implicar as mulleres inmigrantes no desenvolvemento de políticas que afectan ás súas comunidades.

“A  intención é empoderar ás inmigrantes de Burela e crear redes de apoio a través dun espazo seguro para o diálogo e a creación de liñas de traballo en pro de poboacións minoritarias”, expuxo a concelleira de Cooperación e Inmigración en funcións, Angélica Gómez.

O coloquio, que se celebrará baixo o epígrafe Tecendo Redes, terá lugar no Hotel Galatea ás 20.00 horas. As persoas interesadas en participar deben inscribirse no Concello.

PROGRAMA DE MEDIACIÓN SOCIAL

A proposta enmárcase no novo programa de mediación social e intercultural posto en marcha polo Concello neste ano, do que se encarga a técnica Zinthia Álvarez Palomino.