A Federación Galega de Empresas Inmobiliarias (Fegein) presentou este venres un informe sobre o prezo medio de compravenda da vivenda libre, tanto nova como usada e habitual como residencia. O documento sinala que Ribadeo é o lugar da Mariña Lucense cun custo do metro cadrado máis elevado, con 1.250 euros.
Barreiros é o segundo municipio cun prezo máis elevado do metro cadrado da vivenda libre, con 1.150 euros, seguido de Foz, con 990, Viveiro, con 980, e Burela, con 900 euros.
Segundo os datos do informe, A Mariña é o lugar máis barato de todo o litoral galego. Na provincia de Pontevedra destaca Sanxenxo -o sitio máis caro de Galicia-, onde se alcanzan os 2.375 euros por metro cadrado. En Vigo é de 2.100; en Nigrán, comprar un metro cadrado de costa custa 1.900 euros, e en Baiona 1.850.
Na provincia da Coruña, o metro cadrado na capital ten un prezo medio de 2.150 euros, por 1.600 de Oleiros e 1.100 de Ribeira.
CONTRASTE “BRUTAL” CO INTERIOR
O presidente da Fegein, Benito Iglesias, sinalou o contraste “brutal” entre a venta de vivendas de costa e de interior nunha Galicia que ten “dúas velocidades. A maioría da carga de traballo focalízase nas grandes cidades e nos municipios de costa”, remarca. Podes ler a información completa no Galicia Confidencial.
