IniciosociedadeSan Cibrao xa escoita os cantos de serea da Maruxaina

San Cibrao xa escoita os cantos de serea da Maruxaina

A organización desvelou o programa da trixésimo cuarta edición da cita, declarada de Interese Turístico Galego e que se celebrará o vindeiro sábado

Publicada o

- Advertisement -

San Cibrao encara unha das semanas máis especiais do ano coa celebración da Maruxaina, festa declarada de Interese Turístico Galego que cumprirá o vindeiro sábado a súa trixésimo cuarta edición.

A organización deu a coñecer o programa dos festexos, que comezará o xoves coa presentación do libro ‘María na busca da liña do horizonte‘ de Esther López Castro. Será ás 20.00 horas, no Museo do Mar.

Na véspera coñecerase o Maruxaino de Honra 2019 despois dunha degustación de bolos preñados e empanadas na Prazoleta.

O sábado será o día grande, cos xantares na praia, os xogos maruxainos (19.00 horas), aperitivos do desembarco (23.00) e xuízo popular á ninfa. A continuación degustarase queimada a ritmo de Arizona e La Bamba.

AUTOBUSES DESDE RIBADEO

A axencia de viaxes Augasantas, de Ribadeo, ofrece servizo de autobús para desprazarse a San Cibrao con motivo da celebración da Maruxaina. Os autocares farán saídas desde a propia vila ribadense, Barreiros e Foz.

O primeiro servizo sairá de Ribadeo ás 17.00 horas e o segundo ás 21.00 horas, facendo paradas para recoller viaxeiros en Barreiros e Foz. Para regresar tamén haberá dous servizos, un ás 05.00 e o outro ás 07.00 horas. O prezo da viaxe de ida e volta é de dez euros por persoa.

A reserva de prazas pode facerse na axencia de viaxes Augasantas ou a través do número de teléfono 676.44.54.65.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...