IniciosociedadeO alcalde do Valadouro pide á Xunta o arranxo "urxente" da vía...

O alcalde do Valadouro pide á Xunta o arranxo “urxente” da vía a Cangas de Foz

O executivo municipal denuncia que a estrada está "moi deteriorada" á altura de Ferreira e ofrece "unha imaxe impropia da vila"

Publicada o

- Advertisement -

O Concello do Valadouro enviou un escrito á Xunta de Galicia no que demanda o “arranxo urxente” da estrada LU-163. Este vial transcorre polo casco urbano de Ferreira en dirección a Cangas de Foz.

No documento enviado á Conselleira de Infraestruturas e Mobilidade, Ethel Vázquez, o goberno local explica que “a estrada atopase moi deteriorada, principalmente no inicio, é dicir, ao seu paso polo casco urbano, dando unha imaxe impropia da vila”, expón o alcalde, o socialista Edmundo Maseda.

“SEN INVESTIMENTOS” DA XUNTA

O rexedor lamenta “a escasa implicación do Goberno autonómico de Alberto Núñez Feijóo na Mariña Lucense, concretamente no Valadouro onde os investimentos do Partido Popular (PP) brillan pola súa ausencia. Aquí só veñen a pasear e a sacar fotos, e por suposto, a torpedear todos os proxectos de futuro deste Concello como por exemplo a creación do parque empresarial”.

Queremos vivir e traballar no rural, por iso demandamos boas vías de comunicación. A veciñanza do Valadouro teñen dereito a investimentos e a proxectos que contribúan a facer medrar o noso Concello”, concluíu Maseda.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...