Dúas mestras do CEIP de Cervo participaron na segunda reunión transnacional do proxecto de Erasmus+ ‘Creating, Communicating, Our Diversity we are Celebrating’. A xuntanza celebrouse en Marco de Canaveses, Portugal.
Durante a xuntanza, os participantes estableceron novas liñas de traballo e actuación para o seguinte curso académico e tomaron decisións con respecto á avaliación deste primeiro curso.
Ademais, os docentes profundizaron no uso de novas ferramentas pedagóxicas, como eTwinning, unha aprendizaxe para a que contaron coa coordinadora e embaixadora do proxecto, Magdalena Goc. Os mestres tamén traballaron sobre Mobility Tool, así coma Stop Motion.
EN OUTUBRO, INTERCAMBIO
Dúas alumnas do Ceip de Cervo participaron no pasado mes de maio nun encontro de escritura creativa impulsado por este programa, e celebrado en Tesalónica, Grecia. No mes de outubro, o intercambio terá lugar no centro cervense.
