O deputado popular Daniel Vega anunciou que lle solicitará á Xunta de Galicia a reforma integral do CEIP Gregorio Sanz de Ribadeo.
O tamén voceiro do Grupo Municipal do Partido Popular adiantou que levará ao Parlamento galego unha iniciativa para “acometer obras de mellora nas instalacións” do centro público que, detalla, o curso pasado contou con 411 alumnas e alumnos de infantil e primaria.
Vega explicou que a remodelación pretende “garantir a funcionalidade das instalacións e o desenvolvemento da actividade educativa de forma eficiente e en condicións de seguridade”
DEMANDA DA COMUNIDADE EDUCATIVA
O popular remarcou que a mellora das instalacións responderá ás demandas da comunidade educativa e da Anpa A Faxarda. Lembrou que a proposta era parte do programa electoral da formación nas pasadas edicións.
