A Federación de Traballadores de Seguridade Privada da Unión Sindical Obreira de Galicia (FTSP-USO) anunciou que estuda emprender accións legais contra o Servizo Galego de Saúde (Sergas) pola súa “complicidade” no “incumprimento” do contrato público de seguridade dos tres centros da Estrutura Organizativa de Xestión Integrada (EOXI) de Lugo, Cervo e Monforte, entre eles o Hospital Público da Mariña.
Segundo o sindicato, a empresa Salzillo Seguridade “non está a executar as condicións técnicas ofertadas” para os centros hospitalarios. A central pide cámaras e programas informáticos para os hospitais, así como luvas anti recorte ou raquetas para os traballadores.
TERCEIRA ADVERTENCIA
O sindicato asegurou que en dúas ocasións dirixiu escritos ao Sergas, o último “advertindo de accións legais” por “incumprimentos graves” do contrato público por parte da empresa de seguridade. Por iso, avisa que de persistir esta situación, a institución sanitaria “podería ser igualmente acredora” e “merecedora” dunha sanción.
Podes ler a información completa no Lugo Xornal.
