IniciosociedadeFalece Alicia Tella-Villamarín, bibliotecaria e dinamizadora cultural de Mondoñedo

Falece Alicia Tella-Villamarín, bibliotecaria e dinamizadora cultural de Mondoñedo

Natural de Pol, de 81 anos, foi unha figura discreta pero capital na cultura mindoniense e da Mariña Lucense, coñecida pola súa xenerosidade

Publicada o

- Advertisement -

Vaise unha flor da cultura pero queda a semente, a alma da Biblioteca de Mondoñedo; Alicia Tella-Villamarín. En 22 anos de bibliotecaria “petou a todas as portas con dozura e encanto -tal e como dicía don Enrique Cal Pardo– e moito tesón ata conseguir o milagre polivalente, fondamente admirado por tirios e troianos”.

Alicia, sen nacer en Mondoñedo, “sempre tivo un aire de princesa en vacacións” -asegura Marina Mayoral– e non precisou que pasaran os anos para que a bondade lle asomase á cara e a amabilidade fluíra co sorriso e coas palabras.

Pregoou nas Quendas de 2008 reivindicando a recuperación dos Maios, a declaración de Mondoñedo como Patrimonio da Humanidade, a creación dun Museo Histórico, foi nomeada Dona Isabel de Castro polo Mundo da Galea.

Foi Alicia unha ponte que se esforzaba en dinamizar e manter unidos aqueles camiños polos que fluía a cultura, sempre sorrinte, sempre amable. Por iso e por moitas outras fermosas cualidades, con motivo da súa xubilación no 2003, recibiu como agasallo o libro ‘Palabras de amigo‘ ás que hoxe nos unimos para dar resposta á pregunta da cantiga de Manuel María: quen levará a flor de Mondoñedo? Todos sabemos que a levas ti para o ceo por “ser amiga e rosa rescendente: merécela por boa, xentil e intelixente”. Non o dubides, Alicia, con nós estarás sempre!

Descansa en paz.

Francisco Piñeiro.

 

BIOGRAFÍA

Alicia Tella-Villamarín Ferreiro, natural de Pol, faleceu este luns na súa casa de Mondoñedo, aos 81 anos de idade. Chegou de nena a un Mondoñedo marcado por unha posguerra difícil. Aínda que se formou como mestra, nunca chegou a exercer a docencia, a pesar de que escribiu proxectos educativos que foron publicados, como ‘Musicólogos en Marcha‘. Traballou como bibliotecaria ata a súa xubilación no 2003. Casou co escultor valenciano Juan Puchades Quilis, con quen tivo dúas fillas, María Jesús e Alicia. Foi unha das persoas máis cercanas a Álvaro Cunqueiro, especialmente á súa irmá Carmiña, e coñecía a fondo o universo e a personalidade do escritor. Este mércores celebrarase o seu funeral na Igrexa de Santiago, desde as cinco da tarde.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...