IniciosociedadeAxendas educativas ou a robótica, apostas do Concello de Alfoz para educar...

Axendas educativas ou a robótica, apostas do Concello de Alfoz para educar contra a violencia machista

O Concello lanza a partir do vindeiro luns o programa Igual+, para concienciar ao alumnado do colexio, do IES e ás familias sobre igualdade

Publicada o

- Advertisement -

O Concello de Alfoz impulsará un programa educativo, titulado Igual+, para sensibilizar á poboación infantil, xuvenil e ás familias sobre igualdade e previr a violencia contra as mulleres.

O goberno local entregará o vindeiro luns, 16 de setembro, as Axendas Coeducativas do curso 2019-20 a todo o alumnado do CEIP Castro de Ouro e do IES Alfoz-Valadouro. No caso de estudantes de Bacharelato e ciclos de Formación Profesional, as publicacións estarán a disposición no Concello e na biblioteca municipal.

Segundo expón o executivo municipal, os nenos e nenas de Educación Infantil do CEIP Castro de Ouro participarán ao longo deste exercicio nun proxecto de igualdade e contra a violencia chamado Igual+ Educación Infantil, que por unha parte supón que se traballará ao longo de todo o ano escolar para fomentar a ruptura de estereotipos, o coñecemento e xestión das emocións, a resolución pacífica de conflictos ou a corresponsabilidade.

Axenda coeducativa. AXM

Por outra parte, o Proxecto Igual+ incorpora o programa ‘Igualabot. Aprendemos igualdade con robótica‘, que utilizará esta rama da inxeñería mecánica para aprender en igualdade e sobre todo incidir en achegar ás nenas as habilidades STEM, ciencias, tecnoloxía, enxeñería e matemáticas, acabando coa imaxe masculinizada destes estudos e profesións desde a base educativa. A finalidade é usar as novas tecnoloxías de xeito igualitario.

CONTRA A CIBERVIOLENCIA

Por último, entre outubro e novembro, haberá diferentes actividades educativas para fomentar a prevención da ciberviolencia ou rachar estereotipos sexistas.

Todo o programa, elaborado e desenrolado polo Concello de Alfoz, está subvencionado pola Secretaría Xeral de Igualdade da Xunta de Galicia, a través do Fondo Social Europeo (FDS Galicia 2014-20), e polo Pacto de Estado contra a violencia de Xénero do Goberno central. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...