EFE. Os densos bancos de néboa que dificultan a visibilidade e condicionan a seguridade dos usuarios obrigaron a manter cortada ao tráfico a autovía A-8, en ambos sentidos da circulación, no tramo entre Mondoñedo e Abadín.
Segundo informa a Dirección Xeral de Tráfico (DGT), a denominada Autovía do Cantábrico permanece cortada desde o pasado mércores -18 de setembro- ás 16.46 horas, concretamente entre os quilómetros 536 e 552, no tramo que se corresponde co Alto do Fiouco.
DESVÍOS POLA N-634
Como vén sendo habitual nestes casos, a Garda Civil habilitou desvíos alternativos a través da estrada Nacional-634 ao seu paso polo municipio de Mondoñedo. Podes consultar neste mapa da DGT a evolución do tráfico na autovía, que ás 10.31, hora de peche desta información, fica cortada.
