A Mariña Lucense permanecerá este luns en alerta amarela por vento, unha advertencia que se manterá durante a tarde do martes, na que tamén se activará o aviso amarelo -o de menor grao de perigosidade- por temporal costeiro, segundo avanzou Meteogalicia no seu boletín do tempo.
Este luns, agárdanse refachos de vento de compoñente sur superiores aos 80 quilómetros por hora durante toda a xornada. Para martes espéranse valores similares durante tarde-noite.
AVISOS ACTIVOS NA MADRUGADA DO MÉRCORES
No tocante ao aviso por temporal costeiro, activarase o martes a partir das 18.00 horas. O prognóstico é de mar combinado do noroeste, con ondas de catro a cinco metros. Ambos avisos permanecerán activos durante a madrugada do mércores.
Podes ler a información completa no Galicia Confidencial.