A Mariña Lucense estará este venres, 27 de setembro, en alerta amarela por temporal costeiro. Segundo o boletín de tempo meteorolóxico publicado por Meteogalicia, agárdanse ondas de catro a cinco metros de altura.
As borrascas que se desprazan polo Atlántico norte, explica a Unidade de Observación e Predición Meteorolóxica dependente da Consellería de Medio Ambiente, formarán ondas que chegarán ao litoral galego cunha altura superior aos catro metros.
AVISO ACTIVO TODA A XORNADA
O aviso amarelo activarase na bisbarra sobre as 12.00 horas do venres e permanecerá activo durante o resto da xornada, ao igual que na provincia de Pontevedra, mentres que na Coruña a advertencia -a de menor grao de perigosidade na escala- aplicarase desde as 9.00.
