IniciosociedadeMondoñedo impulsará a creación dunha asociación de conservas de hortalizas

Mondoñedo impulsará a creación dunha asociación de conservas de hortalizas

A marca Mariña Bienes y Servicios iniciará a distribución de produtos derivados do tomate, acollidos á marca de garantía Horta de Mondoñedo

Publicada o

- Advertisement -

O consistorio de Mondoñedo acolleu este luns a presentación da nova liña de produtos da empresa Mariña Bienes y Servicios, acollidos á marca de garantía Horta de Mondoñedo.

A alcaldesa, a popular Elena Candia, acompañou ao representante da empresa, Jorge Losada, que explicou polo miúdo esta nova fase de desenvolvemento do proxecto empresarial que comparte con Mónica Maestre. Tamén participou na presentación a coordinadora da marca de calidade Horta de Mondoñedo, Zoila Gulín.

Mariña, Bienes y Servicios vai iniciar a distribución de derivados do tomate, como son tomate fritido, marmelada de tomate e tomate natural triturado, baixo a marca Hortas de Galicia, acollida á marca de garantía Horta de Mondoñedo. Con esta iniciativa, a empresa dará saída ás pezas que, pola súa morfoloxía, non son comerciais.

A primeira remesa da produción desta nova liña de traballo empezarase a distribuír nos próximos días. A empresa fará unha campaña de promoción dos seus produtos en grandes superficies comerciais.

Candia destacou o apoio prestado polo Concello para a creación da marca de calidade e na difusión dos produtos acollidos a ela. Ademais, asegurou que o goberno local “seguirá a respaldar este tipo de iniciativas” e espera que a transformación do produto “supoña a creación de emprego“.

CANDIA AGARDA QUE A INICIATIVA TRAIA EMPREGO

A rexedora lembrou que en novembro de 2018 presentouse na Consellería o texto para regular o uso da marca Horta de Mondoñedo, que foi informado favorablemente o 4 de febreiro. “En 2018 e 2019 deseñouse o logotipo, contribuímos á impresión das etiquetas, regalamos bolsas de papel co logo para promocionar a marca e difundimos vídeos a través das redes e na televisión autonómica. Seguindo esta liña, hoxe presentamos un produto que conserva o valor engadido do noso tomate, que permite que se deguste fóra de tempada“, explica Candia.

Segundo a rexedora, o seguinte paso “é a creación da asociación de produtores de conservas de hortalizas de Mondoñedo”. Candia avanzou que os estatutos xa están rexistrados. “Unha vez constituída legalmente, impulsaremos proxectos como fixemos con Faba Verdina. Apostar pola nosa horta é unha aposta segura porque é apostar pola importante calidade dos produtos”, concluíu. 

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...