IniciosociedadeCoñece o programa do Mercado Medieval de Alfoz, que cumpre 20 anos

Coñece o programa do Mercado Medieval de Alfoz, que cumpre 20 anos

O xornalista e escritor Miqui Otero, con raíces alfocenses, será o pregoeiro da vixésima edición

Publicada o

- Advertisement -

O Mercado Medieval de Alfoz cumprirá dúas décadas a vindeira fin de semana, cun programa co que os asistentes poderán volver un por uns días ao século XV.

VENRES 20

Os festexos comezarán o venres, ás 21.30 horas, coa baixada do Mariscal Pardo de Cela desde a fortaleza da Frouseira ata o Castelo de Castrodouro. Acto continuación comezará o desfile de traxes medievais, ao que seguirán danzas da época. Á medianoite haberá queimada e esconxuro.

Programa completo do evento. AXM

SÁBADO 21

A xornada do sábado arrincará cedo cunha ruta de sendeirismo desde a Frouseira ata o Castrodouro. Esa mesma mañá haberá exhibición de cetrería, antes do pregón, a cargo de Miqui Otero, novelista e xornalista catalán con orixes alfocenses. Acto seguido, recoñecerase aos escudeiros do castro deste ano.

Miqui Otero. EP

Pola tarde, a organización dispuxo os xogos valecos e unha exhibición de tiro con arco. A revolta irmandiña infantil comezará ás 18.30 horas, e ás 19.30 iniciarase a busca do segredo do mariscal. Un teatro de monicreces será o aperitivo da cea medieval, prevista para as 21.30 horas. Os interesados en participar poden recoller os seus tiquets na fortaleza, cun prezo de doce euros por persoa. Ao remate do convite haberá queimada e baile.

ACTIVIDADES PARA NENOS

O programa inclúe actividades para asistentes de todas as idades. Haberá mostras de oficios tradicionais e os nenos e nenas poderán participar en obradoiros nos que aprenderán a construír armas, cestas ou a cocer o seu propio pan.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...