EFE. O axente vigués Iván Álvarez evoluciona favorablemente, responde aos estímulos e entende cando se lle fala, aínda que permanece con respiración asistida, segundo informou o sindicato SUP en Twitter.

Mentres, o axente da brigada de Intervención da Coruña, Ángel Lage, natural de San Cibrao e de 44 anos, foi intervido o pasado luns segundo o previsto e colocáronlle no brazo dereito unha placa e seis tornillos.

A previsión, segundo apunta o SUP, é que sexa trasladado a Galicia nos próximos días.

Álvarez é o ferido máis grave dos disturbios en Cataluña como consecuencia dunha fractura na base do cráneo por un forte impacto.

O AXENTE VIGUÉS CUNHA FRACTURA CRANEAL “EVOLUCIONA FAVORABLEMENTE”

O xefe superior de Policía de Galicia, José Luís Balseiro, destacou onte que o ánimo dos 260 efectivos policiais despregados en Cataluña procedentes de Galicia é “moi bo” porque forman parte dunhas unidades, as UIP, con “cunha ampla rodaxe en conflitos de orde pública. Para eles é o seu traballo ordinario”, afirmou.

Preguntado por canto tempo permanecerán as cinco UIP de Galicia en Cataluña, contestou que dependerá do que decidan os máximos responsables do operativo.

Tanto Álvarez como Lage recibiron o apoio desde a distancia en concentracións organizadas ante as comisarías da Policía Nacional en Galicia.