IniciosociedadeA inscrición nos tres obradoiros de emprego da Xunta na Mariña está...

A inscrición nos tres obradoiros de emprego da Xunta na Mariña está aberta

O proceso de selección desenvolverase entre os días 30 de outubro e 26 de novembro

Publicada o

- Advertisement -

O proceso de selección do persoal participante nos obradoiros de emprego financiados pola Consellería de Economía, Emprego e Industria desenvolverase entre os días 30 de outubro e 26 de novembro

O delegado territorial da Xunta de Galicia en Lugo, José Manuel Balseiro, mantivo este mércores unha xuntanza na delegación territorial da Administración autonómica á que estaban convocados representantes de todos os concellos promotores co obxectivo de coordinar as actuacións encamiñadas á contratación do persoal. Nesta provincia, desenvolveranse 14 talleres que empregarán a 333 persoas: 272 alumnos-traballadores e 61 máis para as funcións de docencia, dirección e administración.

De todos os obradoiros que se levarán a cabo, 12 serán duais e outros dous de garantía xuvenil -en Lugo e Ribadeo, dirixidos especificamente a mozos e mozas menores de 30 anos e que xa comezaron-. Agora comeza a selección de persoal dos talleres duais, que terán unha duración mínima de seis meses.

Segundo se informou na reunión destes mércores, o procedemento de escolla do alumnado-traballador terá dúas fases: en primeiro lugar farase a selección polas oficinas de emprego e a continuación por un grupo de traballo mixto integrado por Xunta e concellos. Cada obradoiro fará públicas as bases reguladoras do proceso de selección nas propias oficinas de emprego e nos taboleiros de anuncios e páxinas web dos concellos promotores.

ALUMNADO PREFERENTE

Balseiro animou ás persoas interesadas a que acudan ás oficinas de emprego a solicitar a participación no obradoiro na especialidade que queiran. Terán preferencia para formar parte do alumnado aquelas persoas que teñan establecido ese tipo medidas no seu itinerario de inserción profesional; mulleres; colectivos en risco de exclusión; persoas que esgotasen as prestación ou subsidios por desemprego; persoas paradas de longa duración; maiores de 45 anos; persoas que carezan de títulos universitarios e de FP de grao superior;  persoas con discapacidade e persoas beneficiarias da Risga.

SETE CONCELLOS

No que respecta á distribución dos obradoiros duais por comarcas e concellos, hai tres promovidos na Mariña -‘Ribadeo alén do Camiño’; ‘Sendas de Burela, Cervo e Xove VI’ e ‘Terras do Sor III’, cun investimento de un millón, a implicación de sete concellos e a realización de 74 contratos de traballo.

Outros tres talleres involucran a dez concellos da Terra Chá, Meira e a comarca de Lugo -‘Terra Chá Dixital’, ‘Camiño da Chaira V’ e ‘O Castro V’, cun investimento de un millón e 73 contratacións.

Na Zona Sur, fináncianse con outro millón un total de tres iniciativas nas que participan 7 concellos e que xerarán 73 contratos -‘Ricra III’, ‘Sillor VI’ e o obradoiro de Monforte de Lemos. Pola súa banda, na Montaña terá lugar o obradoiro ‘Vía Künig I’ -que comparten tres concellos-; Sarria promove individualmente ‘Sarria: Camiño de Santiago’ e o concello do Páramo impulsa con O Corgo e Guntín o taller ‘Ponte de Areas III’.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...