Foz instalará desde o luns pasos de peóns e bolardos en Álvaro Cunqueiro e Avenida da Mariña

Cajoto pide "precaución" aos veciños para "compatibilizar" o tránsito e as obras

Avenida Álvaro Cunqueiro de Foz. AXM

O vindeiro luns, 4 de novembro, empezarán as obras para a mellorar o balizamento e a sinalización horizontal e vertical das rúas Álvaro Cunqueiro e Avenida da Mariña, na vila de Foz

O alcalde de Foz, o socialista Fran Cajoto, pide á veciñanza que desculpe as molestias que se van causar. Ademais solicita que “teñan precaución durante as súas circulacións por esas rúas para poder compatibilizar da mellor maneira o tránsito normal coas obras”.

Os traballos, que foron adxudicados polo Concello de Foz á empresa Señalizaciones y Balizamientos de Galicia S. A., consisten na disposición de pasos de peóns, reforzo da sinalización horizontal e vertical e colocación de bolardos como elementos de defensa para reducir o risco de atropelos.

NA AVENIDA DA MARIÑA, VARIOS ACCIDENTES

Ao longo dos últimos meses producíronse varios accidentes na Avenida da Mariña, como un atropelo a finais de agosto ou un accidente con tres coches implicados saldado unicamente con danos materiais.

RESPOSTAR

Please enter your comment!
Please enter your name here