EFE. O vicepresidente da Xunta, Alfonso Rueda, reuniuse este venres cos organizadores do II Congreso Internacional de Criminalística e cun dos dous policías nacionais galegos feridos nas protestas de Barcelona do pasado mes de outubro, Ángel Hernández, natural de San Cibrao.
Os dous axentes recibirán a Medalla ao Mérito Profesional e Académico durante este congreso que comeza este venres na Estrada (Pontevedra), informa a Xunta nun comunicado.
Na reunión desta mañá participaron o director e o secretario xeral do Instituto Internacional de Criminalística Aplicada (INICA), Luís Alamancos e Antonio Busto, respectivamente; o director xeral de Urxencias e Interior da Xunta, Santiago Villanueva e o comisario da Policía Autonómica, Fernando Pico.
O II Congreso Internacional de Criminalística Aplicade está dirixido aos profesionais das forzas e corpos de seguridade e doutros servizos de urxencias e nel, expertos de renombre en distintos ámbitos, abordarán as distintas vertentes da investigación criminal, continúa a nota.
