InicioSucesosA Policía Nacional pide colaboración tras dez días sen novas de Alejandro...

A Policía Nacional pide colaboración tras dez días sen novas de Alejandro Meitín San Isidro

Os axentes precisan todos os datos que se poidan achegar sobre o desaparecido, e admiten que "cada vez temos máis en conta un posible accidente ou ilícito"

Publicada o

- Advertisement -

A Policía Nacional continúa a búsqueda de Alejandro Meitín San Isidro, que falta en Viveiro desde a noite do sábado 14 de decembro, cando saíu a cenar cos compañeiros de traballo.

Fontes policiais piden axuda a todas aquelas persoas que viron a Alejandro na xornada da súa desaparición, especialmente nas últimas horas nas que foi visto, para que colaboren a fin de verificar e secuenciar os feitos. Algunhas testemuñas situaron ao desaparecido nun bar da localidade viveirense ás 8.30 horas do domingo.

As mesmas fontes admiten que, logo de dez días sen rastro, a investigación pode dilatarse no tempo e mesmo cambiar a que polo de agora segue a ser a hipótese principal, a dunha desaparición voluntaria -dado que tamén falta o coche de Alejandro, un Ford Fiesta de cor azul ceo, semellante ao gris. De 34 anos, o desaparecido mide 1,83 metros, é de constitución grosa e leva pendentes.

“Xa pasou un tempo máis que prudencial para que dera sinais de vida e se comunicase coa súa familia ou coa súa parella. Imos insistir e se hai algún indicio que nos fale doutras posibilidades, como o accidente ou mesmo un ílicito, reenfocaremos a investigación. Está claro que a medida que pasa o tempo contemplamos máis estas alternativas, pero precisamos tamén de máis información para iso. Temos que atopar unha explicación a esa falta de novas“, indican desde a Policía Nacional.

O BURELAO DESAPARECIDO, ACHADO EN MÉRIDA

Si apareceu Jesús Ramón García Balseiro, de Burela, ingresado nun hospital de Mérida tras padecer un accidente de tráfico.

PIDEN PRECAUCIÓN CONTRA AS ESTAFAS

Desde a Policía Nacional advirten tamén de posibles estafas cando poñen obxectos á venta en plataformas de internet, pois recibiron unha denuncia dunha persoa que enviou o material antes de recibir o pago e segue sen cobrar despois de un mes. Algúns estafadores dan supostos datos de contas ou documentos de identidade que á postre resultan ser falsos. “É unha época na que hai moito troco, para mercar cousas en Nadal, e están a enviarse produtos sen asegurarse o cobro”, sinalan.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...