IniciosociedadeRenfe xustifica o peche da venta presencial de billetes en Burela e...

Renfe xustifica o peche da venta presencial de billetes en Burela e Viveiro polo “número de viaxeiros”

A operadora ferroviaria iniciou xa a aplicación do recorte, co cambio de oito puntos de atención en Galicia por máquinas expendedoras

Publicada o

- Advertisement -

Despois das críticas de Xunta de Galicia, PP e sindicatos pola supresión da venta presencial de billetes en oito estacións galegas, entre elas as de Burela e Viveiro, Renfe asegurou a través dun comunicado que “garante” a venda de billetes en todas as estacións nas que Adif viña desenvolvendo a actividade ata a data. A compra realizarase a través de máquinas expendedoras.

A operadora ferroviaria xustifica argumenta que Adif “deixa de prestar” este servizo “como consecuencia do proceso de liberalización do transporte de viaxeiros por ferrocarril”.

Renfe sostén que asumirá a venda presencial de billetes “naquelas estacións que dispoñan dunha media diaria superior a 100 viaxeiros subidos e un volume determinado de vendas en taquilla”, de xeito que publicará “proximamente” unha licitación para a adxudicación deste servizo. Xustifica así a operadora ferroviaria un recorte criticado e que se comezou xa a aplicar neste inicio de 2020.

Segundo a operadora ferroviaria, todas as estacións contarán con máquinas autoventa, “de forma que se instalarán onde aínda non as haxa”. Ademais destas canles, Renfe poñerá a disposición dos viaxeiros un número de atención telefónica nas estacións para resolver todas as consultas e situacións que poidan suscitarse, que estará indicado na propia estación.

INSTA A MERCAR POR INTERNET OU NAS OFICINAS DE CORREOS

Os viaxeiros contarán tamén coa posibilidade de utilizar as canles propias de venta de billetes da compañía: renfe.com, a app Renfe Ticket, compra telefónica e a compra a través dos interventores a bordo dos trens, “co obxectivo de facilitar ao máximo a accesibilidade dos viaxeiros”, sostén.

Finalmente, os viaxeiros poden facer a súa compra en oficinas de Correos. Recentemente Renfe asinou un convenio con Correos a nivel estatal, no que supón unha nova canle de venda presencial para adquirir billetes de trens Ave, Avant e media e longa distancia convencional.

Á marxe destes cambios, as estacións que xestiona Adif manteñen a súa actividade habitual e as paradas nos servizos de transporte continúan sen modificacións. Renfe iniciou desde fai algunhas semanas contactos con todas as institucións locais e autonómicas para informar destas medidas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...