IniciosociedadeViveiro acollerá o unha xornada de prevención dos incendios domésticos

Viveiro acollerá o unha xornada de prevención dos incendios domésticos

Bombeiros e Policía Local ofrecerán explicacións teóricas e prácticas para evitar lumes ao longo do inverno en cociñas, chemineas e braseiros

Publicada o

- Advertisement -

O Concello de Viveiro presentou este martes unha xornada de prevención dos incendios domésticos, organizada coa colaboración dos Bombeiros de Viveiro e a Policía Local. Será o 4 de febreiro, ás 20.30 horas na sala multiusos do consistorio.

A raíz da proliferación, sobre todo no tempo de inverno, de incendios domésticos en cociñas, chemineas e braseiros, por parte da Policía Científica da Comisaría de Viveiro e do Parque de Bombeiros de Viveiro propúxose á Concellaría de Participación Cidadá a organización dunha serie de charlas sobre a importancia da prevención para evitar este tipo de accidentes.

Cartel da actividade. AXM

“Desde un primeiro momento pareceunos unha gran iniciativa para dar consellos e recomendacións aos nosos veciños, na maior parte das ocasións a clave da seguridade está nunhas boas medidas de prevención”, asegura a alcaldesa, a socialista María Loureiro.

Xunto á alcaldesa e o primeiro teniente de alcalde, Jesús Fernández, presentaron a xornada o subinspector da Comisaría de Viveiro, Javier Comendeiro, e o xefe do Parque de Bombeiros de Viveiro, José Pulleiro, que serán os encargados de impartir esta primeira charla, con explicacións tanto técnicas como prácticas.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...