O Concello de Xove presentou este venres o programa de actividades para o Entroido 2020. O goberno local disporá un total de 4.910 euros en premios para o desfile, o que supón un 28% máis ca no pasado exercicio.
Segundo avanzaron o alcalde xovense, o popular Demetrio Salgueiro, e maila concelleira de cultura, Dolores Meitín, o 21 de febreiro será o Festival de Entroido da escola infantil, que terá como prólogo un desfile polas rúas de Xove que rematará no salón de actos do centro cívico a partires das 11.00 horas.
O sábado será o día central dos festexos. Ás 16.00 horas haberá pasarrúas a cargo da Charanga Louband, que previamente ofrecerá unha actuación na residencia San Bartolo.
O desfile comezará ás 17.00 horas, con saída do campo de fútbol municipal e chegada no centro cívico. Ao seu remate comezará o baile de disfraces no pavillón, coas actuacións de Grupo Fénix e Decibelios. No evento entregaranse os premios das categorías infantís (20.00 horas) e das restantes (00.00 horas). A entrada é de balde. O Concello disporá unha carpa por se fixese mal tempo.
INSCRICIÓNS
Os interesados pódense inscribir no consistorio, na oficina do técnico de cultura ata o venres 21 de febreiro, ou ben chamando por teléfono ao 982.59.20.01. Tamén se poderán anotar o mesmo día do desfile, de 15.00 a 16.30 horas no punto de saída. Todos os participantes que se inscriban nos días previos ao certame recibirán agasallo.
CONTÍA DOS PREMIOS
| PREMIOS | ||||
| CARROZAS | COMPARSAS E GRUPOS DE 10 OU MÁIS PERSONAS | GRUPOS DE ADULTOS DE 3 A 9 PERSOAS | PARELLAS ADULTOS | INDIVIDUAIS ADULTOS(de 14 anos en diante) |
| 1º – 500 EUROS
2º – 350 E 3º – 250 E 4º – 250 E 5º – 200 E 6º – 200 E |
1º – 300 E
2º – 250 E 3º – 200 E 4º – 200 E 5º – 150 E 6º – 150 E |
1º – 130 E
2º – 100 E 3º – 70 E 4º – 70 E 5º – 60 E 6º – 60 E |
1º – 70 E
2º – 60 E 3º – 50 E 4º – 50 E
|
1º – 60 E
2º – 50 E 3º – 40 E 4º – 40 E
|
| -Premio ao disfraz máis orixinal (pode ser tanto individual como colectivo): 30 E.
-Premio ao conxunto máis numeroso: 30 E. -Premio ao participante máis maior: 30 E. -O participante máis novo recibirá un agasallo.
|
GRUPOS INFANTÍS DE 3 A 9 PERSOAS | PARELLAS
INFANTÍS |
INDIVIDUAIS IFANTÍS (menores de 14 anos) | |
| 1º – 130 E
2º – 100 E 3º – 70 E 4º – 70 E 5º – 60 E 6º – 60 E |
1º – 70 E
2º – 60 E 3º – 50 E 4º – 50 E
|
1º – 60 E
2º – 50 E 3º – 40 E 4º – 40 E
|
||
O Concello destaca que “fronte aos catro premios en cada categoría de carrozas e grupos da pasada edición, pasamos este ano a ter seis galardóns en cada unha destas modalidades. En canto as categorías de parellas e individuais, o que fixemos foi igualar as cantidades, e así equiparamos en premios as categorías infantís coas adultas”, conclúe.
VIVEIRO
O Concello de Viveiro, pola súa banda, que repartirá 5.500 euros en premios no seu desfile (o martes 25 de febreiro), fixo públicas as bases do concurso de disfraces.
O Concello estimulará a participación cunha axuda especial de 200 euros para cada unha das carrozas participantes no desfile.
