IniciosociedadeFoz inicia en San Martiño unha mellora de camiños rurais que afectará...

Foz inicia en San Martiño unha mellora de camiños rurais que afectará a outras catro parroquias

O acondicionamento da vía Río-O Carme, cun orzamento de case 99.000 euros, será a primeira dunha serie de obras con cargo ao Plan Único

Publicada o

- Advertisement -

O Concello de Foz anunciou o inicido das obras de acondicionamento de camiños rurais incluídas no Plan Único 2019. Os traballos iniciáronse no viario RíoO Carme, pertencente á parroquia de San Martiño, actuación que conta cun orzamento de 98.700 euros.

Desde o Concello focense explican que “os primeiros traballos a realizar corresponden ao perfilado e limpeza de cunetas e marxes do camiño, polo que rogamos se circule coa máxima precaución durante o desenvolvemento das obras”. O goberno local pide desculpas polas posibles molestias causadas.

As obras consisten na limpeza e perfilado de cunetas e na mellora do firme, con aglomerado en quente de cinco centímetros de espesor. Neste camiño que atravesa o barrio de Xinzo ademais do reforzo de sinalización horizontal e vertical “incorporaranse badéns para limitar a velocidade, xa que o viario presenta unha recta moi prolongada de baixada que pode dar lugar a unha circulación inapropiada”, avanza o executivo municipal.

O Plan Único 2019 prevé a renovación de firme de varios viarios das parroquias de Cangas, Nois, Fazouro, San Martiño e Santa Cilla.

ABASTECEMENTO DE MAÑENTE

Ademais completouse a renovación do abastecemento de auga en Mañente, onde unicamente quedan pendentes uns remates supeditados á obra de emerxencia que está a levar a cabo o Ministerio de Fomento na ponte sobre a estrada Nacional 642.

A actuación incluía a substitución da antiga tubaxe de fibrocemento por unha nova condución de PVC de 125 milímetros de 10 atmosferas de presión, cunha lonxitude total de 1.700 metros.

ÚLTIMAS

A xuíza chamará “en breve” a declarar aos investigados polo accidente de Xove en abril

A maxistrada titular do Xulgado de Instrución número 2 de Viveiro xa recibiu da...

Foz renova a frota de vehículos con catro novos transportes para o servizo de obras

O Concello de Foz vén de adquirir catro novos vehículos para o servizo de...

Detectado en Xove outro caso de gripe aviaria en gaivotas patiamarelas

A Consellería do Medio Rural comunicou ao Ministerio de Agricultura, Pesca e Alimentación, a...

ACISA Ribadeo repartirá 6.000 euros en premios na XIII Festa do Comercio

Acisa ven de presentar a XIII Festa do Comercio. A campaña desenvolverase do 1...