A Mariña continúa este luns en alerta laranxa por temporal costeiro despois dunha fin de semana con advertencia de segundo grao de perigosidade por galerna e por vento, con refachos que alcanzaron os 142,8 quilómetros por hora (km/h) en Viveiro.
Na madrugada deste luns, tamén na estación viveirense, rexistráronse ventos de ata 115,3 km/h. O prognóstico no litoral é de mar combinada do noroeste con ondas de cinco a seis metros de altura. Segundo a previsión, os efectos deste fenómeno poderán prolongarse ata as primeiras horas da tarde do martes, cando pasará a amarelo.
INCIDENCIAS
Aborrasca Karine deixou máis de 260 incidencias ao seu paso pola Comunidade galega. Así, nas últimas doce horas, o 112 Galicia xestionou maioritariamente intervencións relacionadas coa caída de árbores e o desprazamento de obxectos ás vías. Podes consultar a información completa no Galicia Confidencial.
