O Concello de Cervo informou a última hora deste martes de que a vixésimo novena Festa do Ourizo, que se ía celebrar este sábado en San Cibrao, queda suspendida ante a “emerxencia sanitaria” provocada polo coronavirus, “á espera da evolución dos acontecementos”.

O goberno local mantivo unha reunión coa hostalería da zona para informala da súa decisión. Horas antes, a Xunta de Galicia recomendou evitar a celebración de eventos de todo tipo con “aforos superiores ás mil persoas” para evitar risco de contaxios.

Por agora, son 27 as persoas infectadas en Galicia, entre eles un veciño de Foz, que permanece illado no Hospital Universitario Lucus Augusti (HULA). Ademais, hai outros tres casos en observación.