IniciosociedadeCangas de Foz prepárase para unha nova Feira do Gando

Cangas de Foz prepárase para unha nova Feira do Gando

Natureza e gastronomía danse a man nesta cita, que se celebrará o vindeiro domingo

Publicada o

- Advertisement -

O Concello de Foz, en colaboración coa asociación Cabaleiros de Cangas, impulsa a sexta edición da Feira de Gando desta localidade, que será o vindeiro domingo, 19 de agosto.

O evento continúa unha tradición de décadas. A feira celebrase alomenos de 1940, segundo contan os veciños do lugar. Daquela tiña carácter trimestral e era no barrio da Gralleira. Na actualidade, a sede da cita é a área recreativa dos Castros. Alí se instalará unha carpa onde se poderá degustar polbo á feira, xamón cocido ou churrasco.

ACTIVIDADES

A actividade comezará ás 10.00 horas. Os asistentes poderán desfrutar de paseos gratuítos a cabalo e exposicións de maquinaria e artesanía. Haberá premios para os gandeiros con maior número de cabezas de gando vacún e cabalar, para os mellores cabalos, eguas e exemplares de vacún, para o cabaleiro e amazona máis novo e para o cabaleiro de máis idade.

CARREIRAS

Outro dos atractivos da feira serán as carreiras de cabalos. Competirase nas modalidades de andadura chapeada e serrada e trote de trotóns, e tamén haberá quenda de burros. Os organizadores destinarán un total de 1.000 euros a premios para os mellores destas probas.

O primeiro tenente de alcalde e edil de medio rural, Pedro Fernández Manín, presentou a feira con integrantes da asociación Cabaleiros de Cangas. Tamén colaboran no evento a comunidade de montes en man común Real, Rañadoiro e Agudo, a asociación de veciños San Pedro e a sociedade deportiva Os Castros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...