A chegada de persoas procedentes da Comunidade de Madrid ao litoral galego, lugar onde a maioría delas teñen segundas residencias, provocou o malestar en Galicia, dado que a capital do Estado é o principal foco da epidemia do coronavirus en España. Malia as advertencias das autoridades sanitarias para que se reduzan as viaxes, coa intención de non espallar a epidemia, o medo pode máis e pobos como Baiona, Sanxenxo ou Nigrán están “como en verán”, segundo os colectivos veciñais. Este fenómeno tamén pode percibirse na Mariña Lucense, en lugares como Viveiro.
Responsabilidad social? madrileños invadiendo Sanxenxo, Nigrán, Viveiro en sus residencias de verano e inundando los supermercados.
— J Cima D Vila (@jorgecimadevila) March 12, 2020
Vivo en Viveiro, vila de segunda residencia de moitos madrileños para as vacacións. Hoxe chegaron varios, e xente que limpa pisos deste tipo xa recibiu chamadas para que limparan que nos próximos días chegaban máis. Imos ter un foco de infección bonito aquí como non pechen Madrid
— MuloMarxista (@Mulo_21) March 12, 2020
O propio presidente da Xunta de Galicia, Alberto Núñez Feijóo, recoñeceu a situación e avanzou que haberá “recomendacións explícitas” para persoas que se desprazaron desde Madrid e para as súas familias, principalmente o illamento. Tamén para os moitos galegos que estudan na capital estatal e que, trala suspensión das clases e en contra das advertencias, están tamén a volver á casa. Podes ler a información completa no Galicia Confidencial.
Recomendacións explícitas… Xa, porque todo o mundo sabe que, se hai algo que respecta a xente sen respecto, é precisamente unha “recomendación”. Por desgraza, aquí as persoas (digo “persoas” por dicir algo, vaia) só entenden a linguaxe dos cartos: boas multas por insolidarios e de volta para casa, que estaba moi bonito dicir iso de “Os chinos/italianos que non veñan”, pero ferveulles o cu por saír da cidade. O peor de todo é que os que pagarán a súa inconsciencia serán outros sen culpa, non eles, que están de “vacacións”…
Premio especial do xurado para todos eses universitarios que volveron a casa tras os peches das universidades: serán universitarios, pero moi listiños non vos son cando non lles dá o caletre para entenderen que moitos deles viven en núcleos rurais e con alta densidade de persoas maiores.
Este fenómeno, no que a “recomendar” se refire, vai indo. Non sexa que a protección da saúde da cidadanía galega á que se debe tamén moleste… en Madrid.
ME ALEGRA LA PROTECCION IMPUESTA
ME PARECE MUY BIEN LAS MEDIDAS TOMADAS.-