A Xunta de Galicia activou este venres, e por primeira vez na historia da Comunidade galega, o estado de emerxencia sanitario que implica o peche de todos os comercios, agás aqueles dedicados á alimentación como panaderías, froiterías, pescaderías, carnicerías ou quioscos.
Bares, restaurantes e cafeterías permanecerán polo tanto pechados ao público por mor do coronavirus. Non están afectados por esta medida, que entrará en vigor á media noite, os servizos de restauración dos hoteis, sempre que só sirvan para clientes, e os establecementos de instalacións de servizos públicos.
Moitos dos locais de hostalería da Mariña Lucense xa estaban pechados para cando o Goberno autonómico anunciou esta medida de contención da epidemia, e mesmo a Acisa Ribadeo emitiu un comunicado no que aconsellou a clausura aos seus asociados. Podes ler a información completa nesta ligazón do Galicia Confidencial.
