Galicia rexistra 153 infectados por coronavirus, dos que 115 permanecen illados nos seus domicilios, 31 están hospitalizados en áreas convencionais e sete están na Unidade de Coidados Intensivos (UCI) –catro na Coruña, dous en Vigo e un en Santiago de Compostela–. Con iso, o nivel de contaxio en Galicia sitúase en 5,73 por cada 100.000 habitantes, por baixo da media do conxunto do Estado, que está en torno ao 12 por cada 100.000 habitantes. Este sábado documentouse a primeira morte pola epidemia na comunidade, unha muller de 92 anos de Vigo que tiña doenzas previas. Tamén se deron as primeiras catro altas, na zona da Coruña. Podes ler a información completa nesta ligazón do Galicia Confidencial.